السلام عليكم و رحمه الله و بركاته
بس حبيت ابلش الموضوع بمقوله لبيل فيليبس يقول في كتابه (جسم لحياة افضل) ((انه ليس بمقدوركم الهرب من الواقع فجسمكم هو محور كونكم و لن تمضوا الى اي مكان من دونه فهو حقاا محور ذهنكم و روحكم اذا كان يتراخى و يتهدل و يتهرم بسرعه فأن جوانب حياتكم سوف تحذو حذوه))
و صح لسانك يا فيليبس على هالحجي الطيب اللي صراحه غير لي حياتي 180 درجه!!
خصوصا من بعد ما قريت كتابه اللي صج غير كل شي فيني من جسمي و تفكيري و شخصيتي و عطاني ثقه بنفسي
لكن حتى لو عطوك مليون نظام غذائي و لو تتمرن لحد ما تموت ماراح يهم اذا ما كان عندك ايمان قوي و قناعه و اصرار انك تسوي هالشي اللي تبيه و هذا ينطبق في جميع نواحي الحياة
و في شي ثاني يمكن اهم من الاول و اهوا انك تحلم بالجسم اللي تبي تكون فيه عشان توصله و هذا شي انا جربته بنفسي ,, مثل هذا اللي بالصوره
و لازم انك تحدد اهدافك اللي راح تمشي عليها:
- مثلا تقول اول شي اني الشهر الياي راح انقص 10 كيلو و الشهر الي وراي تقول 10 بعد و جذي ...
و اذا استمريت عل هالحاله اوعدك انك راح توصل للجسم اللي طول عمرك حلمت فيه و تخيلته لا و يمكن يصير احسن بعد اذا استمريت على نفس النشاط و الحيويه و خصوصا Abs اللي اقول عنها (Hard to get ...easy to lose) و اللي راح اتكلم عنها بشكل تفصيلي في المواضيع اليايه انشالله.
و هذي اهيا مراحل التغير:
المرحله الاولى: لا اريد او لا استطيع
المرحله الثانيا: يمكن اقدر
المرحله الثالثه : سأعمل
المرحله الرابعه: انا اعمل
المرحله الخامسه : و اللي تعتبر اهم مرحله (ما زلت اعمل)
و هذي اهيا بس مقدمه على رحله التغيير و انشالله المواضيع اليايه راح تكون ذات فائده اكبر....
الرئيسية 
الأحد يوليو 15, 2007 2:24 pm
