شعر / دعيج الخليفة الصباح
وقف ابيك بكلمتين وموضوع
اسمع كلامي لآخره وانتظرني
ابتكلم بس من غير مقطوع
ياما كلامك من حلاته اسرني
في خاطري شي ولا هو بمسموع
ودي اقوله يوم قلبي امرني
ابعترفلك فيه في حق مشروع
وانت اعتبرني مثل ما تعتبرني
ما فيه مثلك حط بالقلب مجموع
اعلى درجات الغلا وافتكرني
غلاك في قلبي مع الوقت مزروع
ان ما سهرته يا حبيبي سهرني
ما هي حكاية يوم واثنين واسبوع
من عمر حبك وسط قلبي جبرني
ما حد جبرني باعترافي ترى طوع
لانك اغلا من بطيبه سحرني
منقوووووووووووووووول